Сайта кӗр | Регистраци | Сайта кӗрсен унпа туллин усӑ курма пулӗ
 +0.3 °C
Кӗрхи кун кӗлтеллӗ, ҫурхи кун ҫеҫкеллӗ.
[ваттисен сӑмахӗ]
 

Хыпарсем: сывлӑх сыхлав министерстви

Сывлӑх
Чутайсене «пуйӑсри» тухтӑрсем тӗрӗслеҫҫӗ
Чутайсене «пуйӑсри» тухтӑрсем тӗрӗслеҫҫӗ

Ӗнер Хӗрлӗ Чутай районне «Министерство пуйӑсӗ» пырса ҫитнӗ. Пысӑк портфельлӗ ҫынсем, ӑнланнӑ тӑрӑх, пуйӑспа мар, урапасемпех ыпрса ҫитнӗ.

Акци ятне ҫавӑн пек панӑскере хутшӑннисен йышӗнче Чӑваш Енӗн Сывлӑх сыхлав, Культура, Ӗҫлев, Транспорт тата Ял хуҫалӑх министерствисенче тӑрӑшакан тӳре-шара пулнӑ. Пуҫлӑхсенчен ҫавӑн пекех Шупашкар хула пуҫлӑхӗ Леонид Черкесов, Чӑвашпотребсоюз ертӳҫи Валерий Павлов тата вырӑнти район пуҫлӑхӗ Александр Степанов, район администрацине ертсе пыракан Александр Башкиров пулнӑ. Вӗсем халӑхпа тӗлпулнӑ, вӗсен ыйтӑвӗсене хуравланӑ тесе ҫырнӑ Хӗрлӗ Чутай район администрацийӗн сайтӗнче.

Ҫынсемшӗн чи пахи — тӗрлӗ тухтӑр тӗрӗслени. «Министерство пуйӑсӗ» акцине ирттернӗ май хӗрлӗ чутайсене ача-пӑча кардиологӗ, невролог, гастроэнтеролог, уролог, акушер-гинеколог, онкомаммолог 8 сехет те 30 минутран пуҫласа 14 сехетчен тӗрӗсленӗ.

 

Сывлӑх
Ершепуҫӗнчи ФАП
Ершепуҫӗнчи ФАП

Вӑрнар районӗнчи Ершепуҫӗнче фельдшерпа акушер пункчӗ ҫӗкленет.

Тухтӑр пӳртне тӑвассине "Чӑваш Республикинче ял ҫыннисене медицинӑпа санитари пуҫламӑш пулӑшӑвӗ кӳрессипе хушма мерӑсем ҫинчен" республика Элтеперӗн 2012 ҫулхи хушӑвне пурнӑҫланӑ май тытӑннӑ.

ФАПа вӑрнарсем ҫак уйӑх вӗҫӗччен туса пӗтересшӗн. Ӗҫе пурнӑҫлакан "Анкер" строительство организацийӗ никӗс ярса пӗтернӗ, халӗ стенасене хӑпартать. Апла пулин те ӗҫ хӑвӑртлӑхӗ кирлӗ шайра пырать тееймӗн. Вырӑнтисем пӗлтернӗ тӑрӑх, строительство графикран юлса пулса пырать.

Ӗҫе хӑвӑртлатассишӗн епле мерӑсем йышӑнассине каламан-ха район администрацийӗн сайтӗнчи хыпарта. Ӗҫе пурнӑҫлама республикӑн Сывлӑх сыхлав министерстви ыйтнине вара палӑртса хӑварнӑ.

 

Сывлӑх

Пирус тӗтӗм-сӗрӗмне сывлани туртман ҫыншӑн тата та сиенлӗрех теҫҫӗ тухтӑрсем. Вӑл вара ачасене те, яшшисене те, ваттисене те шеллемест. Ӗнер, ака уйӑхӗн 13-мӗшӗнче Чӑваш Енӗн сывлӑх сыхлав министрӗ Алла Самойлова «Об установлении дополнительных ограничений курения табака в отдельных общественных местах и в помещениях» (чӑв. Обществӑлла хӑш-пӗр вырӑнта табак туртмаллине хушма чарусем ҫирӗплетесси ҫинчен) саккун проекчӗпе паллаштарнӑ.

Саккуна йышӑнсан общество транспорчӗн чарӑнӑвӗсенче тата вӗсенчен 15 метртан ҫывӑхарах тата, паллах, подъездсенче пирус мӑкӑрлантарма юрамӗ. Нумай хваттерлӗ ҫурта кӗрекен вырӑнтан 15 метр ҫывӑхӗнче туртни те йӗркене пӑсни шутланӗ. Халӑхпа мероприяти ирттерекен кунсенче урамсенче, лапамсенче тата ытти ҫав вырӑнсенче те туртма чарӗҫ. Ҫуран ҫӳрекенсем ҫул ҫийӗн е ҫул айӗпе каҫса ҫӳрекен вырӑнсем, скверсем, парксем те пирус туртма юраман вырӑнсен шутне лекӗҫ.

 

Пӑтӑрмахсем

Ӗнер Муркаш районӗнчи Йӳҫкассинчи ваттисемпе инвалидсен интернат-ҫуртӗнче пушар тухнӑ.

Интернат-ҫуртри инкек пирки Муркашри пушар чаҫне хыпар 11 сехетре ҫитнӗ. Ун пирки «Альтоника» текен программӑпа аппарат комплексӗ автоматла майпа систернӗ. Ҫулӑма сӳнтерме тесе республикӑри икӗ пушар хуралӗн тата ведомствӑлла мар виҫе пушар хуралӗн вӑйне ура ҫине тӑратнӑ.

Ятарлӑ службӑсем сисчевленнӗ вӑхӑтра вырӑнтисем те алӑ усса ларман: ҫулӑма сӳнтерессипе ҫине тӑнӑ. Интернат-ҫуртра пурӑнакан 49 ҫынна илсе тухнӑ. Ҫывӑрмалли корпусри пӳлӗмсенчен пӗринче, 2-мӗш хутра, алхасакан ҫулӑма айккинелле ярас мар тесе те вырӑнтисем хытах ҫине тӑнӑ.

Пушарта икӗ ҫын пиҫсе кайнӑ, вӗсене пульницӑна ӑсатнӑ. Республикӑн Сывлӑх сыхлав министерстви вӗсенчен пӗрин тӑрӑмӗ самай йывӑр тесе пӗлтернӗ, теприн аптӑрасах каймасть-мӗн.

Пушар сӑлтавӗ интернат-ҫуртра пурӑнакансенчен пӗри вырӑн ҫинче пирус туртни тесе шухӑшлаҫҫӗ.

 

Сывлӑх

Республикӑра кӑҫал геронтологи центрӗ ӗҫлеттерсе ярасшӑн.

Чӑваш Енре хальлӗхе паллиативлӑ пулӑшу кӳрекен 5 уйрӑм ӗҫлет. Кӑҫал республика шайӗнче геронтологи центрӗ уҫасшӑн. Ҫакӑ, республикӑн Сывлӑх сыхлав министерстви пӗлтернӗ тӑрӑх, вӑрӑм ӗмӗрлисен шучӗ юлашки ҫулсенче йышланса пынипе ҫыхӑннӑ. Пилӗк ҫулта вӗсен йышӗ 5 пине яхӑн хутшӑннӑ. 2010-мӗш ҫултан пуҫласа пурнӑҫ тӑршшӗ вӑтамран 2,4 ҫул хушӑннӑ, ҫапла вара хальхи вӑхӑтра ҫынсен вӑтам ӗмӗрӗ 71 ҫулпа танлашать. ЧР Сывлӑх сыхлав министерствин штатра тӑман гериатрӗ Елена Иванова экспертсем палӑртнине шута илсе каланӑ тӑрӑх, 100 ҫултан кӑҫал 26 ҫын иртме, ҫапла вара пӗр ӗмӗр урлӑ ярса пуснисен йышӗ 90 ҫын таран хушӑнма пултарать.

Республикӑра уҫма палӑртакан геронтологи центрӗн пӳлӗмӗсемпе амбулатори центрӗсем кашни поликлиникӑрах уҫӑлмалла. Шупашкар районӗнче, сӑмахран, вырӑнти район хаҫачӗ пӗлтернӗ тӑрӑх, ун пеккине кӑҫалхи виҫҫӗмӗш кварталта ӗҫлеттерсе ярасшӑн.

Малалла...

 

Сывлӑх

Сывлӑх сыхлав учрежденийӗсене кайсан тарӑхмалли, кӑмӑла пӑсмалли те тупӑнать. Ку вӑл темпе те ҫыхӑнма пултарать. Сӑмахран, ыраттарнине ирттермелли эмел тупса илессипе е тата ҫӑмӑллӑхлӑ эмел туянассипе, йывӑр лару-тӑрура психологи пулӑшӑвӗ кирлипе, тӳлевсӗр пулӑшу тенӗ ҫртех хӑш-пӗр чухне тӗрӗслеве укҫалла тухма тивнипе е пульницӑра та эмел укҫалла туянма лекнипе.

Халӑха пӑшӑрхантаракан мӗнпур ыйтӑва республикӑн Сывлӑх сыхлав министерстви «хӗрӳ лини» номерӗпе йышӑнассине пӗлтерет. Унӑн пӗрлехи номерӗ — 8 (8352) 26-15-15. Хӗрӳ лини талӑкӗпех ӗҫлет. Ыйту ҫав самантрах татса памалли пулмасан ӑна каярах хуравлама шантараҫҫӗ. Кирлӗ пулсан васкавлӑ пулӑшу кӳрекенсемпе е яваплӑ специалистпа ҫыхӑнтарӗҫ.

 

Экономика Наталья Тимофеева патшалӑх пурлӑхӗпе тухӑҫлӑ усӑ курманнине палӑртнӑ
Наталья Тимофеева патшалӑх пурлӑхӗпе тухӑҫлӑ усӑ курманнине палӑртнӑ

Паян пирӗн республикӑра Раҫҫей Президенчӗ Владимир Путин 2012-мӗш ҫулхи ҫу уйӑхӗн 7-мӗшӗнче кӑларнӑ указсене пурнӑҫа кӗртес тӗлӗшпе йӗркеленӗ республикӑри ӗҫ ушкӑнӗн черетлӗ ларӑвӗ иртнӗ. Ӑна Иван Моторин премьер-министр ертсе пынӑ.

Республиrӑн Правительствин пуҫлӑхӗ социаллӑ сферӑри организацисенче тӑкаксене оптимизацилессипе ӗҫе малалла тӑсмаллине палӑртнӑ. Ҫапла туни, премьер-министр шучӗпе, хысна тытӑмӗнче тӑрӑшакансен уйрӑм категорин шалӑвне ӳстерме май памалла.

Чӑваш Республикин сывлӑх сыхлав министрӗ Алла Самойлова Раҫҫей Президенчӗн Указне тӗпе хурса республикӑра наркологи службине модернизациленине пӗлтернӗ. паянхи кун тӗлне регионти учрежденисенче пурӗ 55 врач-нарколог тӑрӑшнине каланӑ.

Чӑваш Республикин пурлӑхпа ҫӗр хутшӑнӑвӗсен Патшалӑх комитечӗн ертӳҫи Наталья Тимофеева патшалӑх пурлӑхӗпе тухӑҫлӑ усӑ курманнине палӑртнӑ.

Сӑнсем (10)

 

Сывлӑх

Пӗтӗмӗшле практика врачӗсене наркотик сиенӗнчен хӑтӑлма ятарлӑ консультацисем пама вӗрентеҫҫӗ. Кун пирки Наркотика хирӗҫ кӗрешекен республика комиссийӗн ларӑвӗнче республикин сывлӑх сыхлавӗн министрӗн тивӗҫӗсене вӑхӑтлӑх пурнӑҫлакан Татьяна Богданова пӗлтернӗ. Лару ӗнер иртнӗ. Ӑна Чӑваш Ен Элтеперӗ Михаил Игнатьев ертсе пынӑ.

Михаил Игнатьев ӗнентернӗ тӑрӑх, паян «Чӑваш Енре наркотик патне туртӑнас текенсен шучӗ сахалланса пырать, лару-тӑру ку енӗпе аван».

Тухтӑрсене вӗрентни патне таврӑнсан, пурӗ 60 тухтӑра тата 45 медицина ӗҫченне ятарлӑ пӗлӳ панӑ.

Чӑваш Ен Пуҫлӑхӗ наркотик сиенӗ пирки массӑллӑ информаци хатӗрӗсенче ытларах материал хатӗрлесе кӑлармалла тесе шухӑшланине пӗлтернӗ. «Обществӑн пӗр шухӑшлӑ пулса кӗрешмелле. Ҫак ӗҫре МИХсенче тӑрӑшакансен, шкулта ӗҫлекенсен, спорт учрежденийӗсен витӗмлӗхӗ пысӑк пулмалла», — тенӗ Михаил Игнатьев.

Сӑнсем (6)

 

Персона

Министерствӑра ӗҫленӗ ҫын урӑх вырӑна куҫать. Министерствӑра ахаль-махаль пукан йышӑннӑ ҫын пирки мар-ха сӑмахӑмӑр. Министр ҫумӗ пулнӑ Наиля Зинетуллина ӗнертенпе республикӑн Сывлӑх сыхлав министерствинче аслисенчен иккӗмӗш шутланнӑскер ӗнертенпе ку тивӗҫе пурнӑҫлама пӑрахнӑ. Тивӗҫлӗ хушӑва Чӑваш Енӗн Министрсен Кабинечӗн ертӳҫи Иван Моторин алӑ пусса ҫирӗплетнӗ.

Ӗҫлӗ хутра Наиля Зинетуллина урӑх ӗҫе куҫассине палӑртнӑ.

Наиля Зинетуллина 1976 ҫулта ҫуралнӑскер. Медицина ӑслӑлӑхӗсен кандидачӗ. Чӑваш Республикин Сывлӑх сыхлав тата социаллӑ аталану министерствинче (социаллӑ пурнӑҫ ыйтӑвӗсене маларах ҫав министерство йӗркелесе пыратчӗ. Кӑҫал ҫак икӗ тивӗҫе икӗ ведомствӑна пайласа пачӗҫ) министр ҫумӗнче пӗлтӗртенпе тӑрӑшнӑ.

 

Сывлӑх Алла Самойлова министр
Алла Самойлова министр

Ҫапла шухӑшлать Чӑваш Енӗн сывлӑх сыхлав министрӗ Алла Самойлова.

Ҫынсен сывлӑхне диспансеризацилеме пуҫланнӑранпа Чӑваш Енре пурӑнакан ҫитӗннӗ ҫынсен 80 проценчӗ (22 пин ҫын) хӑйӗн сывлӑхне тӗрӗслеттернӗ. «Пӗтӗмӗшле илсен халӑх сывлӑхне тӗрӗслесси йӗркеллӗ тата кал-кал пулса пырать», — тесе пӗлтерет кун пирки республикӑн Правительство ларӑвӗнче сӳтсе явни тӑрӑх «Хыпар» хаҫат.

Ҫапах та пульницӑна кайман ҫынсем те пур. Эп чирлӗ мар тесе шухӑшлаканскерсенне каярах тухтӑрсем вӑраха кайнӑ чирсем тупса палӑртаҫҫӗ.

Комсомольскипе Красноармейски районӗсем диспансеризаци тухассипе ыттисенчен юлса пыраҫҫӗ-мӗн. Ҫак ӗҫе шурӑ халатлисен кӑна мар, ӗҫ паракансен те хастартарах хутшӑнасса шанать республикӑн сывлӑх сыхлав министрӗ Алла Самойлова.

Сӑмах май каласан, хӗрарӑмсем хӑйсен сывлӑхӗшӗн ытларах тӑрӑшни палӑрать. Вӗсем тухтӑрсем патне ытларах ҫӳреҫҫӗ.

Тӗрӗслев кӑтартнӑ тӑрӑх республикӑра пурӑнакан кашни улттӑмӗш ҫыннӑн вӑраха кайнӑ чир пур. Уйрӑмӑн илсен, 1-мӗш вырӑнта — эндокрин тытӑмӗн чирӗсем. Самӑр ҫынсен йышӗ те самаях пысӑк.

Малалла...

 

Страницӑсем: 1 ... 12, 13, 14, 15, 16, 17, 18, 19, 20, 21, [22], 23
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.11.2025 21:00) тӗтреллӗ ҫанталӑк, атмосфера пусӑмӗ 757 - 759 мм, 0 - 2 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Пултарулӑхпа, психологипе е медицинӑпа ҫыхӑннӑ ӗҫ сире социаллӑ статуса ӳстерме пулӑшӗ. Парӑмсемпе, кредитсемпе, налуксемпе ҫыхӑннӑ ыйтусем татӑлӗҫ. Эсир укҫапа ҫыхӑннӑ ӗҫсене лайӑх пурнӑҫласа пыратӑр. Ҫутҫанталӑка тухни, шыв процедурисем, сывлӑха ҫирӗплетмелли массаж курсӗ тата спорт сывлӑха тата нерв тытӑмне лайӑх витӗм кӳрӗҫ.

Чӳк, 30

1892
133
Лява Платтунӗ, чӑваш сӑвӑҫи, ҫыравҫи, тӑлмачӗ ҫуралнӑ.
1906
119
Базанов Николай Петрович, Пӑрачкав сӑвӑҫи ҫуралнӑ.
1906
119
Бусыгин Николай Иванович, Пӑрачкав сӑвӑҫи, тӑлмачӗ ҫуралнӑ.
1918
107
Чӗмпӗрти РКП(б) губкомра чӑваш секциӗ йеркеленнӗ.
1926
99
Мулюков Геннадий Фёдорович, чӑваш таврапӗлӳҫи, вӗрентекенӗ ҫуралнӑ.
1967
58
Чӑваш патшалӑх университетне И.Н. Ульянов ятне панӑ.
2000
25
Патшалӑх Канашӗ Чӑваш Республикин Конституцине йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа тарҫи
хуҫа арӑмӗ
хуҫин ҫитӗннӗ ачисем
кил-йышри арҫын
пӗтӗм кил-йышпа тухаҫҫӗ
хуҫа хӑй
хуть те кам тухсан та
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хӑнана ӑсатма никам та тухмасть